Mingəçevir Dövlət Universitetində (MDU) tələbələr üçün iftar süfrəsi təşkil edilib

17 mart 2025-ci il tarixində Mingəçevir Dövlət Universitetinin (MDU) rəhbərliyi  Ramazan ayının fəzilətlərini və birlik ruhunu yaşatmaq məqsədilə tələbələr üçün iftar süfrəsi təşkil edib. Tədbir universitetin tələbələri arasında həmrəylik və dostluq bağlarını gücləndirmək, eləcə də onlara sosial dəstək vermək məqsədini daşıyıb.

İftar süfrəsində iştirak edən tələbələr, Ramazan ayının ruhuna uyğun olaraq bir araya gələrək, birlikdə iftar açıblar. Bu cür tədbirlər gənclərin bir-birilərinə qarşı anlayış və dəstək göstərməklə, həm də dini və mədəni dəyərləri daha dərindən mənimsəmələrinə kömək edir.

MDU bu cür təşəbbüsləri davam etdirərək, tələbələrinin həm sosial, həm də mədəni inkişafına töhfə verməyi hədəfləyir.

Allah tutulan bütün orucları qəbul etsin.