Meliorasiya sahəsində islahatlar davam edir

Meliorasiya və Su Təsərrüfatı sahəsində struktur dəyişiklikləri aparılır. Belə ki, Bakı İxtisaslaşdırılmış Elektrik Avadanlıqlarının Təmir-Quraşdırma və Sazlama İdarəsi ilə Salyan Su Meliorasiya Sistemlərinin İstismarı İdarəsi fəaliyyətini dayandırır.

Məlumata görə, sözügedən qurumların kreditorlarına iki ay müddətində tələblərini irəli sürmək imkanı yaradılıb.

Qeyd edək ki, hər iki idarə “Meliorasiya və Su Təsərrüfatı” ASC-nin tabeliyində fəaliyyət göstərib və müxtəlif illərdə Salyan, Göygöl, Goranboy, Biləsuvar, Ağdaş və İsmayıllı rayonlarında meliorativ tədbirlərin həyata keçirilməsində iştirak edib.