MDU rektoru v.m.e. Üzeyir Zeynalovun Beynəlxalq Könüllülər Günü təbriki

Əziz tələbə-könüllülər!

5 dekabr Beynəlxalq Könüllülər Günü münasibətilə sizi səmimi qəlbdən təbrik edirik! Könüllülük fəaliyyəti cəmiyyətimizin inkişafında, sosial problemlərin həllində və həmrəyliyin gücləndirilməsində əvəzsiz rol oynayır. Sizin fədakarlığınız və xidmətləriniz cəmiyyətə bir nümunədir.
Universitetimizin könüllüləri olaraq, sizlər bir çox tədbirlərin, layihələrin əsas iştirakçılarısınız. Sizin bu əzmkarlığınız və təşəbbüskarlığınız həm universitetimizin nüfuzunu artırır, həm də ölkəmizdə könüllülük mədəniyyətinin inkişafına xidmət edir.
Sizi daim bu ruhla fəaliyyət göstərməyə, yeni uğurlar qazanmağa və ətrafınızdakı insanları ruhlandırmağa çağırırıq. Könüllülük fəaliyyətlərinizdə sizə uğurlar arzulayır, hər birinizə göstərdiyiniz səylərə görə təşəkkür edirik!

Gününüz mübarək!

Ən xoş arzularla,
Üzeyir Zeynalov