MDU-nun Təhsil fakültəsinin istehsalat təcrübəsinə başladı

17 mart 2025 –ci il tarixində  Mingəçevir şəhər Təbiət-Riyaziyyat və Humanitar Elmlər Təmüyüllü Liseyində və 3 nömrəli məktəbdə Mingəçevir Dövlət Universiteti (MDU) Təhsil fakültəsinin təşkilatçılığı ilə istehsalat təcrübəsinə başlanılması məqsədilə görüş keçirilib.

Tədbirə universitetin müəllim və tələbələri, eləcə də lisey və məktəb rəhbərliyi qatılıb. Görüşdə tələbələrə təcrübə müddətində qarşılaşa biləcəkləri məsələlər və problemlər haqqında ətraflı məlumat verilib. Təcrübənin məqsəd və əhəmiyyəti vurğulanaraq, tələbələrə gələcək peşəkar inkişafları üçün əhəmiyyətli addımlar atacaqları bildirilib.

Tələbələr təcrübə müddətində nəzəri biliklərini praktiki şəkildə sınamaq və inkişaf etdirmək üçün həyəcanlı olduqlarını ifadə ediblər.

Görüşün sonunda iştirakçılara təcrübə proqramı ilə bağlı öz fikirlərini bildirmək imkanı yaradılıb. Universitet və lisey rəhbərliyi təcrübənin tələbələrin peşəkar inkişafına və təhsil sahəsindəki bacarıqlarının gücləndirilməsinə böyük töhfə verəcəyini qeyd ediblər.