Məktəblilər arasında təhlükəli münaqişə

Şəmkir rayonunda məktəblilər arasında baş verən münaqişə ağır nəticələnib. Hadisə rayonun Kür qəsəbəsində qeydə alınıb.

İlkin məlumata görə, qəsəbə sakini, 2009-cu il təvəllüdlü H.A. şəxsi münasibətlər zəminində 2011-ci il təvəllüdlü S.M.-yə bıçaq xəsarəti yetirib. Yaralanan yeniyetmə dərhal xəstəxanaya çatdırılıb, həkimlər onun vəziyyətini orta ağır qiymətləndirirlər.

Qeyd olunur ki, hadisədə iştirak edən hər iki şəxs məktəblidir. Münaqişənin dəqiq səbəbləri hələlik açıqlanmayıb.