İxtisas seçiminə son 1 gün qaldı

Ali təhsil müəssisələrinə qəbul üçün ixtisas seçimi mərhələsinin başa çatmasına cəmi bir gün qalıb.

Elm və Təhsil Nazirliyinin verdiyi məlumata görə, 18 avqust saat 09:15-ə olan statistikaya əsasən, indiyədək 72 min 758 abituriyent (o cümlədən subbakalavr) elektron ərizəsini təsdiqləyib.

Qruplar üzrə göstəricilər belədir:

• I qrup – 19 min 998 nəfər

• II qrup – 16 min nəfər

• III qrup – 20 min 911 nəfər

• IV qrup – 5 min 510 nəfər

Qaydalarına əsasən, yalnız ərizəsini təsdiq edən abituriyentlər müsabiqəyə buraxılır.

Abituriyentlərə xatırladılır ki, ixtisas seçimi prosesi 19 avqust saat 23:59-da başa çatacaq. Bu vaxta qədər onlar qəbul olmaq istədikləri ixtisasları “Abituriyentin (subbakalavrın) elektron ixtisas seçimi ərizəsi” vasitəsilə qeyd edib təsdiqləməlidirlər.