İsveç kral ailəsində itki

İsveç Kralı XVI Karl Qustavın bacısı, Şahzadə Desire 87 yaşında dünyasını dəyişib.

Bu barədə İsveç Kral Sarayının mətbuat xidməti məlumat yayıb. Bildirilib ki, Şahzadə Desire Vestergetland əyalətində yerləşən Koberq qalasında, ailəsinin əhatəsində və evində vəfat edib.

Şahzadə Desire baron Niklas Silfverşildin (1934–2017) həyat yoldaşı olub və onun vəfatından sonra Koberq qəsrində yaşayıb. Onun üç övladı var.

Kral XVI Karl Qustav bacısının vəfatı ilə əlaqədar dərin hüznlə başsağlığı verib. Bununla əlaqədar Drottningholm və Haqa saraylarında dövlət bayraqlarının yarıya qədər endirilməsi barədə göstəriş verilib.

Şahzadə Desire-nin dəfn mərasiminin keçiriləcəyi tarix və yer hələlik açıqlanmayıb.