İsrailin Livanda əməliyyatı: onlarla ölən və yaralanan var

Livanda, ölkənin şərqində yerləşən Nəbi Şit şəhəri yaxınlığında İsrail qüvvələrinin keçirdiyi əməliyyat zamanı 29 nəfər həyatını itirib, 35-dən çox şəxs isə yaralanıb.

Bu barədə “Al-Hadath” telekanalı məlumat yayıb.

Məlumata görə, İsrailin komando dəstəsi 1986-cı ildə əsir götürülmüş israilli şturman Ron Aradın qalıqlarını tapmaq məqsədilə dörd helikopterlə Nəbi Şit yaxınlığındakı dağlıq əraziyə eniş edib. Hərbçilər pilotun qalıqlarının dəfn olunduğu iddia edilən Əl-Şokr ailəsinə məxsus qəbiristanlığa doğru irəliləyərkən pusquya düşüblər.