İsrail tamamilə qadınlardan ibarət yeni döyüş bölməsi yaradır

İsrail Müdafiə Qüvvələri gələn ay tamamilə qadınlardan ibarət yeni döyüş bölməsi yaradacağını açıqlayıb.

TPS-IL informasiya agentliyinə istinadən verilən məlumata görə, bu bölmə ölkənin Livanla sərhədində yerləşəcək və həm kəşfiyyat, həm də ön xətt təhlükəsizliyi vəzifələrini yerinə yetirəcək.

İsrail Müdafiə Qüvvələrinin açıqlamasına görə, qadın döyüşçülərin sayı 2020-ci ildən bəri iki dəfə artırılaraq 2025-ci ildə 8 500-ə çatdırılıb. Yeni bölmənin yaradılması isə əməliyyat hazırlığını gücləndirmək üçün aparılan genişmiqyaslı islahatların bir hissəsi kimi qiymətləndirilir.