Haqqı qorumaq: İstehlakçıların yanlış yönləndirilməsinə qarşı tədbir

Antiinhisar və İstehlak Bazarına Nəzarət Dövlət Agentliyi “Baku Electronics” MMC-yə qarşı haqsız rəqabətə dair qərar qəbul edib.

Araşdırmalar zamanı müəyyən olunub ki, şirkət “YOSHIRO” markalı məişət texnikası və elektronika məhsullarını reklam edərkən istehlakçıları yanıltmağa yönəlmiş məlumatlardan istifadə edib. Məhsulların əsl istehsal ölkəsi Çin və Özbəkistan olsa da, reklam və qablaşdırmada “Yapon ənənəsi” və “Yapon keyfiyyəti” kimi ifadələr göstərilib. Bu, məhsulların Yaponiyada istehsal edildiyi təəssüratını yaratmağa xidmət edib.

Həmçinin, məhsulların üstünlükləri barədə həqiqətə uyğun olmayan iddialar irəli sürülərək haqsız reklam tətbiq edilib. Bu hallar Rəqabət Məcəlləsinin tələblərinin pozulması kimi qiymətləndirilib.