Cəmiyyət

“Data Jurnalistika” kitabının tədris vəsaiti kimi qəbul edilməsi çox faydalı olardı”

Məqsəd  insanlara açıq məlumatları hamının başa düşəcəyi şəkildə təqdim etməyi öyrətməkdir

Sentyabrın 4-də Mingəçevir  Turizm  Kollecində  (MTK) Azərbaycan dilinə çevrilmiş “Data Jurnalistikası” kitabının  müzakirəsi keçirilib. Kollecin ideoloji mərkəzində təşkil olunan tədbiri  MTK-nın direktoru, iqtisad elmləri doktoru, professor Əyyub Əyyubov açıb. O,  informasiyanın həyatımızın ən vacib elementinə çevrildiyini,  son illər onlayn medianın ənənəvi mətbuatı sıxışdırdığını bildirib:  “Bu gün hər sahədə olduğu kimi, jurnalistikada da ixtisaslaşma gedir.  Ölkəmizin böyük turizm potensialı olduğundan turizm jurnalistikasının yaranmasına da ehtiyac var. Turizm təhsili alan insanlar bu sahədə daha yaxşı fəaliyyət göstərə bilərlər.  Düşünürəm ki, Azərbaycan dilinə çevrilən  “Data Jurnalistika” kitabının  gələcəkdə  həm bizim kollecdə, həm də digər orta və ali ixtisas məktəblərində tədris vəsaiti kimi qəbul edilməsi çox faydalı olardı”.

Mingəçevir Valideynlər Assosiasiyasının prezidenti  (MVA)  Fərman  Nəbiyev  kitabın Avropa Birliyinin maliyyələşdirdiyi və BMT İnkişaf Proqramı tərəfindən həyata keçirilən “Əhalinin həssas qruplarının sosial-iqtisadi hüquqlarının təmin olunmasında vətəndaş cəmiyyətinin rolunun gücləndirilməsi” layihəsi çərçivəsində  hazırlandığını diqqətə çatdırıb:  “Ötən ilin noyabrından etibarən  açıq məlumatlara dair  Azərbaycanda və Avropada QHT, dövlət qurumları və KİV nümayəndələri üçün təlimlər aparılıb. Məqsəd  bu insanlara açıq məlumatları hamının başa düşəcəyi şəkildə təqdim etməyi öyrətməkdir”.

Daha çox

Oxşar yazılar

Close