Beyt-Şemeşdə raket zərbəsi: Ölən və yaralananlar var
İranın ballistik raketi şəhərə düşərək 4 nəfərin ölümünə və 20-yə yaxın insanın xəsarət almasına səbəb olub; İsrail xilasediciləri hadisə yerində əməliyyat aparır.
İsrailin Beyt-Şemeş şəhəri raket hücumuna məruz qalıb, nəticədə ölən və yaralananlar var.
Məlumata görə, İran tərəfindən atıldığı bildirilən ballistik raket şəhərə düşüb. Hadisə nəticəsində 4 nəfər həyatını itirib, 20-yə yaxın şəxs müxtəlif dərəcəli xəsarətlər alıb.
İsrailin “Magen David Adom” milli təcili tibbi yardım xidməti açıqlayıb ki, yaralılardan ən azı ikisinin vəziyyəti ağırdır.
İsrail ordusu (SAXAL) bildirib ki, axtarış-xilasetmə qrupları və hərbi tibb heyəti dərhal hadisə yerinə göndərilib. Ağır yaralıların operativ şəkildə xəstəxanaya çatdırılması üçün xüsusi xilasetmə helikopteri də cəlb olunub.
Hadisənin təfərrüatları araşdırılır.
Şərhlər bağlıdır, lakin trackbacks və pingbacks açıqdır.