Xaricdə İran səfirliklərində “Şir və Günəş” bayrağı qaldırıldı

İranın Kanberra şəhərindəki (Avstraliya) səfirliyində İslam Respublikası bayrağı endirilərək, yerinə “Şir və Günəş” bayrağı qaldırılıb.

Daha əvvəl İranın Norveç və Böyük Britaniyadakı səfirliklərində də İslam Respublikasının bayrağı aşağı endirilmişdi.

İran Xarici İşlər Nazirliyi bu məsələ ilə əlaqədar Böyük Britaniya səfirini çağırıb.

Rza Pəhləvi, İranın sonuncu şahının oğlu, daha əvvəl xaricdə yaşayan iranlılara ünvanladığı mesajında qeyd edib:
“İranın xaricdəki səfirlik və konsulluqları xalqımıza aiddir. Artıq İslam Respublikasının bayrağının yerinə milli bayrağın qaldırılma vaxtıdır.”

Qeyd edək ki, “Şir və Günəş” bayrağı Pəhləvi ailəsinin 1925-1979-cu illərdə hakimiyyətdə olduğu dövrün simvoludur.