Şanlıurfada küçələrdə dilənçilik qadağan edildi

Türkiyənin Şanlıurfa valiliyi, ictimai asayişi və təhlükəsizliyi təmin etmək, həmçinin vətəndaşların rifahını qorumaq məqsədilə vilayət ərazisində dilənçilik və qanunsuz müştəri cəlbetmə fəaliyyətlərini tam qadağan edib.

“Haber Global” xəbər verir ki, valilik tərəfindən verilən əmrdə küçələr, prospektlər, meydanlar, parklar və bağçalar, avtomobil dayanacaqları, tarixi və mədəni abidələr, ibadət yerləri, bankomatlar, körpü altları, işıqforlar və yolayrıcıları da daxil olmaqla, bütün açıq ictimai ərazilərdə dilənməyin qadağan edildiyi vurğulanıb.