Rusiyada Azərbaycanlı ailədə faciə: Valideynlər ölüb, uşaq qorunur

Bazar ertəsi axşamı Rusiyanın Yeni Moskva rayonunda Azərbaycan vətəndaşı olan evli cütlük intihar edib. Hadisə Salaryevo-Park yaşayış kompleksində baş verib. Qurbanların 41 yaşlı Vasif və 38 yaşlı Aygün olduğu müəyyən edilib.

Cütlüyün aldığı xəsarətlərin xarakteri intihar ehtimalını göstərir. Faciə baş verərkən onların beş yaşlı uşağı evdə olub və hazırda müvəqqəti olaraq hüquq-mühafizə orqanlarının nəzarətinə götürülüb.

Məlumata görə, mərhum cütlük geyim və alt paltarı mağazasına sahib olub. Onlar bizneslərinə Xantı-Mansi Muxtar Dairəsində başlayıblar, bir müddət əvvəl paytaxta köçərək evlərinin yaxınlığında mağaza açmışdılar. İntiharın dəqiq səbəbi hələ məlum deyil.

Psixoloqlar uşağın vəziyyəti ilə məşğul olur və cütlüyün digər üç övladı üçün də dəstək tədbirləri görülür.