Rusiya Dövlət Dumasında fotomüxbirlərə yeni məhdudiyyət

Rusiya Dövlət Duması plenar iclaslarda fotomüxbirlərin fəaliyyətinə məhdudiyyət tətbiq edib. Bu barədə “Kommersant” qəzeti xəbər verib.

Məlumata görə, müəyyən prosedurlar çərçivəsində media nümayəndələrinin plenar iclaslarda iştirakına icazə verilməyib. Parlamentin mətbuat xidməti bildirib ki, sessiya zalının eyvanı əvvəlcə yalnız federal televiziya operatorları üçün nəzərdə tutulmuşdu və bu qayda bu gün bərpa olunub.

Qeyd olunur ki, bir gün əvvəl spiker Vyaçeslav Volodin deputatların fotolarının “eybəcər” şəkildə ictimaiyyətə təqdim olunmasını tənqid etmişdi. Bu qərar media nümayəndələrinin fəaliyyətinə tətbiq edilən yeni məhdudiyyətlərlə bağlıdır.