İsrail ordusu Livanda HƏMAS-a aid hədəfi vurdu

İsrail Müdafiə Ordusunun mətbuat xidməti Livanın cənubunda HƏMAS-a məxsus bir komanda mərkəzinin hava zərbəsi ilə vurulduğunu açıqlayıb.

Rəsmi məlumatda bildirilir ki, bu obyekt son dövrlərdə HƏMAS tərəfindən İsrail qüvvələrinə qarşı hücumların planlaşdırılması və həyata keçirilməsi, həmçinin müxtəlif əməliyyatların təşkili üçün istifadə olunub.

“İsrail Müdafiə Ordusu Livan ərazisində HƏMAS hədəflərinə qarşı əməliyyatlarını davam etdirir. Məqsəd İsrail vətəndaşlarını və ordusunu potensial təhlükələrdən qorumaqdır və bu təşkilatın fəaliyyəti qarşısında ciddi tədbirlər görüləcək”, – deyə açıqlamada vurğulanıb.