“Fənərbağça” 12 ildən sonra Türkiyə Superkubokunu qazanaraq tarixi uğura imza atdı

Türkiyə Superkubokunun qalibi müəyyənləşib. Final görüşündə “Fənərbağça” və “Qalatasaray” komandaları qarşılaşıb.

Atatürk Olimpiya Stadionunda keçirilən matç “sarı-lacivərdlilər”in üstünlüyü ilə 2:0 hesabı ilə yekunlaşıb. Görüşdə qolları Matteo Genduzi (28-ci dəqiqə) və Jayden Quinn Oostervolde (48-ci dəqiqə) vurub. Matçın baş hakimi Halil Umut Meler olub.

Qeyd edək ki, “Fənərbağça” bu uğura sonuncu dəfə 2014-cü ildə imza atmışdı. Bu qələbə klubun tarixində 19-cu Superkubokunu təmin edib.