Bərdə məktəblisi beynəlxalq riyaziyyat olimpiadasında fərqlənib

Bərdə şəhərindən olan məktəbli beynəlxalq səviyyəli riyaziyyat yarışında uğur qazanıb. Qarabağ Regional Təhsil İdarəsinin nəzdində fəaliyyət göstərən Bərdə şəhər Nəriman Nərimanov adına 3 nömrəli tam orta məktəbin 4-cü sinif şagirdi Raul Abdullayev Pifaqor Riyaziyyat Olimpiadasında gümüş medal əldə edib.

Beyin Olimpiada Mərkəzinin təşkilatçılığı ilə 27 dekabr 2025-ci ildə keçirilən olimpiadada Raul yüksək bilik və bacarıqları ilə seçilərək mükafatçılar sırasında yer alıb.

Şagirdin qazandığı bu nailiyyət 24 yanvar 2026-cı il tarixində Avropa Azərbaycan Məktəbində təşkil olunan rəsmi tədbirdə xüsusi qeyd olunub. Tədbir zamanı Raul Abdullayev medal və mükafatla təltif edilib.                                                                                                                                                                                                                                                                                                                                                                                                                                                                                                                            

Gənc istedadı bu uğuru münasibətilə təbrik edir, ona təhsil yolunda və gələcək fəaliyyətində davamlı nailiyyətlər arzulayırıq.