Azərbaycan və Mingəçevirdə yaxın günlərin hava proqnozu

Yaxın üç gün ərzində ölkədə havanın temperaturunun artacağı gözlənilir. Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova bildirib ki, oktyabrın 4-ü, 5-i və 6-sı əsasən yağmursuz keçəcək.

Bakıda və Abşeron yarımadasında hava dəyişkən buludlu, yağmursuz olacaq. Mülayim cənub-şərq küləyi oktyabrın 5-i gündüz saatlarında arabir güclənəcək. Maksimal temperatur 20–25 dərəcə isti olacaq.

Bölgələrdə də əsasən yağmursuz hava proqnozlaşdırılır. Mülayim şərq küləyi əsəcək, Aran rayonlarında temperatur 20–25, dağlıq ərazilərdə isə 11–16 dərəcə isti olacaq. G.Məmmədova qeyd edib ki, yaxın günlərdə hava şəraitində ciddi dəyişiklik gözlənilmir.

O həmçinin əlavə edib ki, oktyabr ayında müşahidə olunan bu istilər keçmişdə də olub və bu, ayın tipik hava şəraitinə uyğundur. Oktyabr yaydan payıza keçid dövrü olduğundan həm isti, həm də soyuq günlər ola bilər. “Bu istiləşmə kəskin deyil, sadəcə temperatur bir qədər yüksələcək. Məsələn, bu gün 21 dərəcədirsə, yaxın üç gündə 25 dərəcə olacaq”, – deyə G.Məmmədova vurğulayıb.

Mingəçevirdə isə hava əsasən aydın və ya qismən buludlu olacaq, yağış ehtimalı azdır. Çərşənbə axşamı +14…+25°C, külək cənub-şərqdən 2 m/s sürətlə əsəcək. Çərşənbə +15…+26°C, külək şimal-şərqdən 2 m/s əsəcək. Cümə axşamı +17…+28°C, külək şərqdən 1 m/s olacaq. Cümə +15…+26°C, külək şimal-qərbdən 7 m/s, yağış ehtimalı 12%. Şənbə +13…+25°C, külək şimal-qərbdən 4 m/s, yağış ehtimalı 8%. Bazar +13…+24°C, külək qərbdən 1 m/s, yağış ehtimalı 4%. Bazar ertəsi +12…+26°C, külək şimal-qərbdən 5 m/s, yağış ehtimalı 4%-dir.