Ağdamda məcburi köçkünlər yeni evlərinə yerləşdirildi

Avqustun 27-də başlayan köç karvanı Ağdam rayonunun Xıdırlı kəndinə uğurla çatıb. Bu mərhələdə ümumilikdə 104 ailə, yəni 370 nəfər, yeni tikilmiş fərdi yaşayış evlərinə yerləşdirilib.

Mərasimdə Ağdam, Füzuli və Xocavənd rayonlarının Azərbaycan Respublikası Prezidentinin xüsusi nümayəndəliyinin, eləcə də Qaçqınların və Məcburi Köçkünlərin İşləri üzrə Dövlət Komitəsinin təmsilçiləri iştirak edib, köçkünlərin yeni evlərə uyğunlaşmaları üçün dəstək göstərilib.