2025-ci ilin 01 oktyabr tarixinə demoqrafik vəziyyət

Azərbaycan Respublikasının Dövlət Statistika Komitəsi Əhali statistikası şöbəsinin məlumatına əsasən şəhər əhalisinin sayı (məcburi köçkünlər istisna olmaqla) ilin əvvəlindən 118 nəfər və ya 0,1 faiz artaraq 2025-ci ilin 01 oktyabr tarixinə 103225 nəfərə çatmışdır. 2025-ci ilin yanvar-sentyabr aylarında isə əhalinin ümumi artımı 2024-cü ilin yanvar-sentyabr aylarına nisbətən 84 nəfər və ya 41,6 faiz az olmuşdur. 2025-ci ilin 01 oktyabr tarixinə şəhərdə müvəqqəti məskunlaşmış məcburi köçkünlərin sayı 2024-cü ilə nisbətən 245 nəfər və ya 1,2 faiz azalaraq 19511 nəfər olmuşdur.

Ədliyyə Nazirliyinin şəhər qeydiyyat şöbəsi tərəfindən 2025-ci ilin yanvar-sentyabr aylarında Mingəçevir şəhərində 593 doğulan körpə qeydə alınmış və 2024-cü ilin yanvar-sentyabr aylarına nisbətən əhalinin hər 1000 nəfərinə bu göstərici azalaraq 7,2-dən 5,7-ə düşmüşdür. 2025-ci ilin yanvar-sentyabr aylarında 479 ölüm halı qeydə alınmış və 2024-cü ilin yanvar-sentyabr aylarına nisbətən əhalinin hər 1000 nəfərinə bu göstərici artaraq 4,5-dən 4,6-a çatmışdır. 2024-cü ilin yanvar-sentyabr aylarına nisbətən 2025-ci ilin yanvar-sentyabr aylarında diri doğulanların sayı 20,1 faiz və ya 149 nəfər az, ölənlərin sayı isə 3,0 faiz və ya 14 nəfər çox olmuşdur.

Əhalinin təbii hərəkətinin əsas göstəriciləri^*

¹⁾ Əmsallar il üçün hesablanmışdır

*⁾ ilkin məlumat və hesablama

2025-ci ilin yanvar-sentyabr aylarında Ədliyyə Nazirliyinin şəhər qeydiyyat şöbəsi tərəfindən 259 nikah və 174 boşanma halları qeydə alınmış və 2024-cü ilin yanvar-sentyabr aylarına nisbətən əhalinin hər 1000 nəfərinə nikahların sayı azalaraq 2,9-dan 2,5-ə, boşanmaların sayı isə 2,4-dən 1,7-ə düşmüşdür.