Mingəçevirdə tekstil fabrikində çalışan işçi həmkarını bıçaqlayıb
APA-nın Mingəçevir bürosunun məlumatına görə, 1984-cü il təvəllüdlü Qasımov Elmir Nizami oğlu tekstil fabrikində mübahisə zəminində sinəsindən bıçaqlanıb. Yaralı xəstəxanaya yerləşdirilib. Şəhər polis şöbəsi əməkdaşlarının əməliyyat axtarış tədbirləri nəticəsində E.Qasımova xəsarət yetirməkdə şübhəli bilinən, fabrikin əməkdaşı, Kəlbəcər rayon sakini Dağıbəyi Vəlizadə saxlanılaraq istintaqa cəlb edilib. Faktla bağlı araşdırma aparılır.