Almaniya kansleri Merz: Rusiya Ukraynada mülki əhaliyə qarşı müharibəni davam etdirir

Almaniya kansleri Fridrix Merz fevralın 20-də Ştutqartda keçirilən Xristian Demokrat İttifaqı (CDU) partiyasının qurultayında çıxış edərək bildirdi ki, Rusiya ordusunun Ukraynanın mülki əhalisinə, o cümlədən qadınlara, yaşlılara və uşaqlara qarşı apardığı hərəkətləri heç vaxt qəbul etməyəcəklər.

Merz əlavə edib ki, Rusiya yalnız hərbi əməliyyatlarla kifayətlənmir, həm də Ukrayna xalqına qarşı nasist ideologiyasını təbliğ edir: “Tarix göstərir ki, alman və rus təcavüzü ən çox Ukrayna xalqını əzib. Bu gün də nasist təbliğatı davam edir və Almaniya buna qarşı qəti mövqe nümayiş etdirəcək. Tarix bizə bir şeyi öyrədir: sakit qalmaq sülh gətirmir, əksinə təcavüzkarı daha da ruhlandırır. Sadəlövh pasifizm sabahkı müharibələrə zəmin yaradır. Avropa gücünü və qətiyyətini nümayiş etdirməyi öyrənməlidir”, – deyə kansler vurğulayıb.