Ağdamın Xıdırlı kəndində müasir Ailə Sağlamlıq Mərkəzi tikiləcək
Yeni kompleks həm səhiyyə xidməti, həm də tibbi personal üçün yaşayış imkanları yaradacaq
Ağdam, Füzuli və Xocavənd Rayonlarında Bərpa, Tikinti və İdarəetmə Xidməti Ağdamın Xıdırlı kəndində yeni bir tibbi kompleksin inşası üçün tender elan edib.
Layihə ixtisaslaşdırılmış ictimai binaların tikintisi kateqoriyasına daxildir və onun təxmini dəyəri 1 392 066,64 AZN olaraq müəyyən olunub.
Planlaşdırılan kompleks Xıdırlı kəndində müasir Ailə Sağlamlıq Mərkəzini əhatə edəcək. Yeni mərkəz yalnız tibb xidməti göstərməklə kifayətlənməyəcək, eyni zamanda kənddə fəaliyyət göstərəcək təhsil və səhiyyə işçiləri üçün müvəqqəti yaşayış və qonaq evini də özündə birləşdirəcək.
Bu layihə kənd sakinləri üçün keyfiyyətli səhiyyə xidmətinə çıxışı asanlaşdırmaqla yanaşı, tibbi heyətin həyat şəraitini də yaxşılaşdıracaq.
Şərhlər bağlıdır, lakin trackbacks və pingbacks açıqdır.