ABŞ prezidenti Donald Tramp: İranın ali lider seçiminə təsir etmək istəyir

ABŞ prezidenti Donald Tramp İranın ali liderinin seçilməsində rol oynayacağını bildirib. Prezident “Politico”ya verdiyi müsahibədə Xameneinin oğlunu zəif və səriştəsiz fiqur adlandırıb:
“O, mənim üçün qəbuledilməzdir. Çünki o, atasının siyasətini davam etdirəcək və bu da növbəti 5 il ərzində ABŞ ilə İran arasında yeni qarşıdurmaya gətirib çıxaracaq. Biz İrana harmoniya və sülh gətirəcək bir rəhbər istəyirik” – deyə Tramp qeyd edib.

O, əlavə edib ki, İranda rəhbər seçiminə böyük təsir göstərmək istəyir:
“Əks halda razılaşma olmayacaq. İranın gələcək rəhbərliyindən nüvə silahı olmayan bir dövlət qurmağı gözləyirəm. Onlara yaxşı seçimlər etməkdə yardımçı olmaq istəyirəm. Venesuelada olduğu kimi, İrandakı təyinatda da iştirak etməliyəm” – deyə ABŞ prezidenti vurğulayıb.