Tramp: İranın Hərbi Potensialı Tükənir

ABŞ Prezidenti Donald Tramp İranın hərbi imkanlarının ciddi şəkildə zəiflədiyini bildirib.

O, bu barədə CBS News telekanalına müsahibəsində danışıb.

Ağ Evin rəhbəri qeyd edib ki, İranda demək olar bütün əsas hərbi obyektlər sıradan çıxarılıb. Onun sözlərinə görə, Tehranın arsenalında artıq çox az sayda raket qalıb.

Prezident əlavə edib ki, pilotsuz uçuş aparatları və onların istehsal müəssisələri məhv edilib, həmçinin hərbi texnikanın mühüm hissəsi, o cümlədən Hərbi Dəniz Qüvvələrinə məxsus gəmilər sıradan çıxarılıb.