Vladimir Putin Xameneinin qətlini qınayıb

Rusiya Prezidenti Vladimir Putin İranın Ali Rəhbəri ayətullah Əli Xameneinin qətlə yetirilməsi ilə bağlı İran Prezidenti Məsud Pezeşkiana başsağlığı ünvanlayıb.

Putin baş vermiş hadisəni insanlıq dəyərlərinin və beynəlxalq hüququn kobud şəkildə pozulması kimi qiymətləndirib.

Rusiya lideri ABŞ və İsrailin zərbələri nəticəsində həyatını itirən Əli Xamenei və onun ailə üzvləri ilə bağlı dərin kədər hissi keçirdiyini bildirib. O qeyd edib ki, Rusiyada Xamenei iki ölkə arasında münasibətlərin inkişafına mühüm töhfə vermiş görkəmli dövlət xadimi kimi xatırlanacaq.