Rişi Sunak Ukraynanın Beynəlxalq Məşvərət Şurasına qoşuldu

Böyük Britaniyanın sabiq baş naziri Rişi Sunak Ukrayna hökumətinə iqtisadi inkişaf sahəsində məsləhətlər verəcək.

“The Independent” qəzetinin məlumatına görə, Sunak Ukrayna Prezidenti Volodimir Zelenskinin Beynəlxalq Məşvərət Şurasında iqtisadi məsələlər üzrə ödənişsiz məsləhətçi olmağı qəbul edib.

Qurumda Rişi Sunakla birlikdə Kanadanın keçmiş baş nazirinin müavini Xristia Frilan da fəaliyyət göstərəcək.

Qəzet yazır ki, Sunak Ukraynanı dəstəkləməyin onun üçün böyük şərəf olduğunu vurğulayıb.