Ermənistan sərhədçiləri Türkiyə ilə sərhəddə Rusiya qoşunlarının yerini aldı

Ermənistan sərhədçiləri Türkiyə ilə sərhəddə yerləşən Axurik keçid məntəqəsində Rusiya sərhədçilərinin yerini tutublar.

Nazirlər Kabinetinin cümə axşamı təsdiqlədiyi 2021–2026-cı illər üçün hökumət proqramının icrası ilə bağlı hesabatda bildirilir ki, 1 mart 2025-ci ildən başlayaraq Türkiyə ilə sərhəddəki Marqara keçid məntəqəsində yalnız Ermənistan Milli Təhlükəsizlik Xidmətinin Sərhəd Qoşunlarının hərbçiləri xidmət göstərəcəklər.

Hesabatda həmçinin vurğulanır ki, 2026-cı ilin əvvəlindən Axurik keçid məntəqəsi də tam şəkildə Ermənistan Milli Təhlükəsizlik Xidmətinin sərhəd qoşunlarının nəzarəti altında olacaq. Hazırda Ermənistan sərhədində tam nəzarət altında olmayan keçid məntəqəsi mövcud deyil.