Keçmiş Pentaqon rəsmisindən diqqətçəkən iddia
Maykl Rubin Ankaranın NATO üzvlüyü və “Akkuyu” AES-in istismara verilməsinin bu prosesi sürətləndirə biləcəyini bildirib
“Türkiyə növbəti beş il ərzində nüvə silahına sahib ola bilər”.
Teleqrafın məlumatına görə, bu fikri ABŞ Müdafiə Nazirliyinin (Pentaqon) sabiq rəsmisi Maykl Rubin Hindistan mediası üçün qələmə aldığı məqalədə səsləndirib.
O bildirib ki, Türkiyə NATO üzvü kimi alyansın 5-ci maddəsinin təmin etdiyi kollektiv müdafiə mexanizmindən yararlanır. Həmin maddəyə əsasən, üzv dövlətlərdən birinə qarşı hücum bütün üzvlərə qarşı hücum sayılır. Rubin hesab edir ki, bu amil Ankaranın nüvə potensialını inkişaf etdirməsi ilə bağlı mümkün hərbi müdaxilə ehtimalını çətinləşdirir.
Keçmiş Pentaqon rəsmisinin sözlərinə görə, əgər Ankara siyasi qərar versə, xüsusilə də bu il “Akkuyu” Atom Elektrik Stansiyasının istismara verilməsi fonunda, beş il ərzində nüvə silahı əldə etməsi mümkündür.
Şərhlər bağlıdır, lakin trackbacks və pingbacks açıqdır.