Regionda strateji oyun

Rusiya İrəvanla Zəngəzur dəhlizi layihəsində iştirak imkanlarını müzakirəyə açıqdır

Rusiya xarici işlər nazirinin müavini Mixail Qaluzin “İzvestiya”ya verdiyi açıqlamada bildirib ki, Moskva “Tripp” (Zəngəzur dəhlizi) layihəsi ilə bağlı parametrləri və Rusiyanın iştirakını İrəvanla müzakirə etməyə hazırdır.

Diplomat qeyd edib ki, Ermənistanın dəmir yolu şəbəkəsi 2038-ci ilə qədər Rusiya Dəmir Yollarının törəmə şirkəti tərəfindən idarə olunur, İran sərhədində Rusiya sərhədçiləri yerləşdirilib və ölkənin Avrasiya İqtisadi Birliyinə üzvlüyü də nəzərə alınmalıdır. Qaluzin əlavə edib ki, Rusiya, Ermənistan və Azərbaycan üçtərəfli formatda kommunikasiyaların açılmasında irəliləyiş əldə edib.