Dövlət qulluğunda fəaliyyətin davam etdirilməsi üçün test imtahanları

Fevralın 5-də Dövlət İmtahan Mərkəzi tərəfindən dövlət qulluğuna qəbul və dövlət qulluğunda fəaliyyətin davam etdirilməsi üzrə test imtahanları təşkil ediləcək.

İmtahanlar inzibati rəhbər vəzifələr (AB, AC qrupları), inzibati icraçı vəzifələr (BA, BB qrupları) üzrə keçiriləcək.

BB vəzifə altqrupu üzrə qəbul imtahanı:
İmtahanda iştirak etmək üçün 854 namizəd qeydiyyatdan keçib. Namizədlər “İmtahana buraxılış vərəqəsi”ni çap etməli və şəxsiyyət vəsiqələrinin əslini gətirməlidirlər. İmtahan saat 10:00-da başlayır, saat 10:45-dən sonra gələnlər buraxılmır.

Dövlət qulluğunda fəaliyyətin davam etdirilməsi üzrə imtahan:
Fəaliyyətin davam etdirilməsi imtahanına AB qrupu üzrə 3, AC qrupu üzrə 5, BA qrupu üzrə 42, BB qrupu üzrə 110 olmaqla, ümumilikdə 160 namizəd qeydiyyatdan keçib. İmtahan saat 16:00-da başlayır və 2 saat 30 dəqiqə davam edir. Saat 15:45-dən sonra gələnlər buraxılmır.

İmtahanların təşkilində 12 rəhbər, 68 nəzarətçi və 10 buraxılış rejimi əməkdaşı iştirak edəcək.