Xəstəlik vərəqələrində yeni qayda: Xəsarət halları xüsusi qeyd olunacaq

Nazirlər Kabineti sığorta olunan şəxslər üçün xəstəlik vərəqələrinin elektron formada hazırlanması qaydalarında dəyişiklik edib. Bu barədə Baş nazir Əli Əsədov qərar imzalayıb.

Qərara əsasən, 1993-cü il 8 yanvar tarixli 9 nömrəli qərarla təsdiq edilmiş müvafiq təlimata əlavə müddəa daxil edilib.

Dəyişiklikə görə, əgər sığorta olunan şəxs xəsarət nəticəsində müvəqqəti əmək qabiliyyətini itirərsə və bu fakt tibb müəssisəsi tərəfindən hüquq-mühafizə orqanlarına bildirilsə, həmin məlumat xəstəlik vərəqəsində xüsusi qeyd olunacaq.