Magistraturaya qəbul imtahanında namizədlərin qeydiyyatı tamamlandı

2026/2027-ci tədris ili üzrə ali təhsil müəssisələrinin magistraturalarına qəbul imtahanının birinci cəhdi üçün namizədlərin qeydiyyatı başa çatıb. Ümumilikdə 22 777 nəfər imtahanda iştirak üçün qeydiyyatdan keçib.

Qeydiyyatın bölmələr üzrə statistikası belədir: 20 786 nəfər Azərbaycan bölməsi, 1 991 nəfər isə rus bölməsi üzrə imtahanda iştirak edəcək. Xarici dil seçimi üzrə isə ən populyar dil ingilis dili olub – 19 871 namizəd bu dili seçib. Onlardan 17 916 nəfəri Azərbaycan bölməsində, 1 955 nəfəri isə rus bölməsindədir.

Digər dillərə gəlincə, rus dili üzrə 2 448, fransız dili üzrə 226, alman dili üzrə 228, fars dili üzrə 3 və ərəb dili üzrə isə 1 namizəd qeydiyyatdan keçib.