Tehranın İrəvandakı səfirliyi qarşısında etiraz aksiyası keçirilib

Ermənistanda yaşayan iranlılar Tehranın İrəvandakı səfirliyi qarşısında aksiya təşkil ediblər.

Aksiya İranda davam edən anti-hakimiyyət etirazlarına dəstək məqsədilə keçirilib. İştirakçılar “Ağla, molla, Pəhləvi gəlir” və digər şüarlar səsləndiriblər.

İrəvanda keçirilən aksiyalarla bağlı İranın Ermənistandakı səfiri Xəlil Şirqulami rəsmi xəbərdarlıq edib. O bildirib ki, səfirlik önündə etirazlar artıq bir həftədir davam edir.

Səfir həmçinin Ermənistan hakimiyyətini İrana qarşı düşmən qüvvələrə meydan verməkdə günahlandırıb və Tehran bunun heç vaxt unudulmayacağını vurğulayıb.