Ermənistandan Azərbaycanla bağlı mühüm mesaj

Ermənistan Cənubi Qafqazda münasibətlərin normallaşdırılması prosesini irəli aparmaq istiqamətində üzərinə götürdüyü öhdəliklərə sadiq qalır.

Bunu Ermənistan xarici işlər nazirinin müavini Robert Abisoqomonyan açıqlayıb.

Onun sözlərinə görə, regionda əldə olunmuş sülhün möhkəmləndirilməsi, sabitliyin təmin edilməsi və əməkdaşlıq mühitinin formalaşdırılması baxımından avqustun 8-də Vaşinqtonda Azərbaycan və Ermənistan arasında əldə edilən razılaşmaların icrası xüsusi əhəmiyyət daşıyır.

Nazir müavini vurğulayıb ki, insanlararası təmasların genişləndirilməsi regionda etimadın artırılması və davamlı sülhün təşviqi baxımından mühüm rol oynayır. Bu kontekstdə “Tramp yolu” proqramının həyata keçirilməsinin vacibliyini də qeyd edib.