Ukrayna ordusundan yeni irəliləyiş

Ukrayna Silahlı Qüvvələrinin 67-ci xüsusi mexanikləşdirilmiş briqadası Dnepropetrovsk vilayətində yerləşən Tixoye kəndinə nəzarəti tam bərpa etdiyini açıqlayıb.
Bu barədə briqadanın rəsmi Facebook səhifəsində məlumat verilib.

Qeyd olunur ki, Rusiya tərəfi noyabrın 21-də kəndin ələ keçirildiyini bildirmişdi. Lakin Ukrayna ordusu dekabrın 6-da Tixoyenin yenidən 67-ci briqadanın nəzarətinə keçdiyini rəsmən təsdiqləyib.

Hərbiçilər vurğulayıblar ki, kəndin azad olunması cənub-şərq istiqamətində Ukraynanın müdafiə xəttinin möhkəmləndirilməsinə mühüm töhfə verir və bölgədə strateji üstünlüyü artırır.