İxtisas seçiminin nəticələri nə vaxt açıqlanacaq?

2025-ci il üzrə ixtisas seçimi bütün qruplar üzrə avqustun 11-dən 19-dək davam edib. Abituriyentləri isə ən çox maraqlandıran sual – nəticələrin nə vaxt elan olunacağıdır.

Əvvəlki illərin təcrübəsinə əsasən, Dövlət İmtahan Mərkəzi seçim başa çatdıqdan sonra 3 iş günü ərzində nəticələri açıqlayır. Bu da o deməkdir ki, abituriyentlər cavabları bu həftə ərzində öyrənə biləcəklər.

Rəqəmlərə nəzər salsaq, ümumi boş yerlərin sayı 20 385-dir, ərizəsi təsdiqlənənlərin sayı isə 23 919 nəfərdir.

• II qrup üzrə: 14 935 yer – 19 041 ərizə.

• III qrup üzrə: 15 583 yer – 24 414 ərizə (ənənəvi olaraq ciddi rəqabət).

• IV qrup üzrə: 4 732 yer – 6 966 ərizə.

• V qrup üzrə: 4 704 yer – 16 517 ərizə (ən yüksək rəqabət burada müşahidə olunur).

Dövlət İmtahan Mərkəzi əlavə edib ki, 11 illik bazada kolleclərə ixtisas seçimi yalnız ali məktəblərə qəbul nəticələri elan olunduqdan sonra başlayacaq.