2026-cı ildə mart ayı rekord uzun tətil gətirir
Novruz və Ramazan bayramları səbəbilə ardıcıl 11 gün qeyri-iş günü olacaq
2026-cı ildə mart ayı ardıcıl bayram və istirahət günləri ilə yadda qalacaq. Nazirlər Kabinetinin qərarına əsasən, 20–24 mart tarixləri Novruz bayramı kimi qeyd olunacaq.
Bu il 21 və 22 martın həftəsonuna düşməsi səbəbindən, Əmək Məcəlləsinə uyğun olaraq, 25 və 26 mart da əlavə istirahət günü kimi müəyyən ediləcək.
Ramazan bayramı isə gələn il martın 20–21-nə təsadüf edir. Qanunvericiliyə əsasən, dini bayram digər qeyri-iş günü ilə üst-üstə düşdükdə növbəti iş günü də tətil hesab olunur. Bu qaydaya uyğun olaraq, 27 və 30 mart tarixləri də qeyri-iş günü olacaq.
Nəticədə, növbəti il mart ayının 20-dən 30-dək — ümumilikdə 11 gün ardıcıl istirahət olacaq.
Şərhlər bağlıdır, lakin trackbacks və pingbacks açıqdır.