2025-ci ilin yanvar-iyun ayları ərzində nəqliyyat və anbar təsərrüfatının əsas göstəriciləri

Şəhərdə hava və su nəqliyyatı olmadığından əsasən avtomobil nəqliyyatından istifadə olunur.

Nəqliyyat müəssisə və təşkilatlarında (fiziki şəxslər də daxil edilməklə) 2025-ci ilin yanvar-iyun aylarında göstərilmiş xidmətlərin dəyəri 2024-cü ilin yanvar-iyun aylarına nisbətən real ifadədə 26,2 faiz artaraq 8080,1 min manat olmuşdur. 2025-ci ilin yanvar-iyun aylarında göstərilmiş xidmətlərin ümumi həcminin 7997,8 min manatı və ya 99,0 faizi nəqliyyat müəssisə və təşkilatlarının (fiziki şəxslər də daxil edilməklə) əsas fəaliyyətindən yaranmışdır.

2025-ci ilin yanvar-iyun aylarında avtomobil nəqliyyatı vasitələri ilə fiziki şəxslər də daxil olmaqla 403,0 min ton yük daşınmış və 2024-cü ilin yanvar-iyun aylarına nisbətən 27,0 min ton və ya 7,2 faiz çox olmuşdur. 2025-ci ilin yanvar-iyun aylarında avtomobillərin yük dövriyyəsi 2024-cü ilin yanvar-iyun aylarına nisbətən 1690,4 min ton-km və ya 3,4 faiz artaraq 52044,8 min ton-km təşkil etmişdir.

2024-cü ilin yanvar-iyun aylarına nisbətən 2025-ci ilin yanvar-iyun aylarında avtomobil nəqliyyatı ilə daşınmış sərnişinlərin sayı 1010,0 min nəfər və ya 6,3 faiz artaraq 17055,0 min nəfər olmuşdur. Sərnişin dövriyyəsi isə 2024-cü ilə nisbətən 10166,0 min sərnişin-km və ya 6,2 faiz artaraq 174174,9 min sərnişin-km təşkil etmişdir.