2025-ci ilin 01 iyul tarixinə demoqrafik vəziyyət

Azərbaycan Respublikasının Dövlət Statistika Komitəsi Əhali statistikası şöbəsinin məlumatına əsasən şəhər əhalisinin sayı (məcburi köçkünlər istisna olmaqla) ilin əvvəlindən 100 nəfər və ya 0,1 faiz artaraq 2025-ci ilin 01 iyul tarixinə 103207 nəfərə çatmışdır. 2025-ci ilin yanvar-iyun aylarında isə əhalinin ümumi artımı 2024-cü ilin yanvar-iyun aylarına nisbətən 56 nəfər və ya 35,9 faiz az olmuşdur. 2025-ci ilin 01 iyul tarixinə şəhərdə müvəqqəti məskunlaşmış məcburi köçkünlərin sayı 2024-cü ilə nisbətən 147 nəfər və ya 0,7 faiz azalaraq 19630 nəfər olmuşdur.

Ədliyyə Nazirliyinin şəhər qeydiyyat şöbəsi tərəfindən 2025-ci ilin yanvar-iyun aylarında Mingəçevir şəhərində 375 doğulan körpə qeydə alınmış və 2024-cü ilin yanvar-iyun aylarına nisbətən əhalinin hər 1000 nəfərinə bu göstərici azalaraq 4,6-dan 3,6-ya düşmüşdür. 2025-ci ilin yanvar-iyun aylarında 298 ölüm halı qeydə alınmış və 2024-cü ilin yanvar-iyun aylarına nisbətən əhalinin hər 1000 nəfərinə bu göstərici azalaraq 3,1-dən 2,9-a düşmüşdür. 2024-cü ilin yanvar-iyun aylarına nisbətən 2025-ci ilin yanvar-iyun aylarında diri doğulanların sayı 20,2 faiz və ya 95 nəfər az, ölənlərin sayı isə 6,9 faiz və ya 22 nəfər az olmuşdur.

Əhalinin təbii hərəkətinin əsas göstəriciləri^* 

¹⁾ Əmsallar il üçün hesablanmışdır

*⁾ ilkin məlumat və hesablama

2025-ci ilin yanvar-iyun aylarında Ədliyyə Nazirliyinin şəhər qeydiyyat şöbəsi tərəfindən 169 nikah və 105 boşanma halları qeydə alınmış və 2024-cü ilin yanvar-iyun aylarına nisbətən əhalinin hər 1000 nəfərinə nikahların sayı azalaraq 1,8-dən 1,6-ya, boşanmaların sayı isə 1,6-dan 1,0-a düşmüşdür.