Tədris binalarının həyətində iməcilik

2022-ci ilin 9 və 10 mart tarixlərində Mingəçevir Dövlət Universitetində (MDU) Təhsil, İqtisadiyyat və idarəetmə fakültələrinin təşkilatçılığı ilə növbəti iməcilik keçirilib. MDU-nun tədris binalarının həyətində təşkil edilən iməcilikdə universitetin bir qrup akademik və inzibati heyət üzvü, tələbələr və magistrantlar iştirak ediblər.

İməcilik zamanı universitetin həyətində ağacların dibi yumşaldılıb, təmizlik və abadlıq işləri görülüb.

Qeyd edək ki, hazırda müasirləşmə mərhələsində olan MDU-da tələbə gənclərin ətraf mühitə diqqətinin artırılması, onların asudə vaxtlarının səmərəli təşkili və sağlam həyat tərzinin təmin edilməsi məqsədilə müvafiq tədbirlərin həyata keçirilməsinə xüsusi önəm verilir.