Mingəçevir Dövlət Universitetində 8 noyabr “Zəfər günü”nə həsr edilmiş Idmanın voleybol növü üzrə kurslararası universitet birinciliyi davam edir

Xəbər verdiyimiz kimi Mingəçevir Dövlət Universitetində “Zəfər günü”nə həsr edilmiş idmanın voleybol növü üzrə kurslararası oğlanlar arasında universitet birinciliyinə start verilmişdir. Mübarizəyə qoşulan 9 komanda 25.10.2024 – 15.11.2024-cü il tarixlərdə oyunlarda iştirak edir. Gərgin keçən mübarizə şəraitində I tur başa çatmış, II turun oyunlarına start verilmişdir. Yarışda tələbə-gənclər əzimlə mübarizə aparıblar. Yarışlar Mingəçevir Dövlət Universitetinin İdman-Sağlamlıq Kompleksində keçirilir.

Yarışların keçirilməsində məqsəd tələbə-gənclər arasında fiziki tərbiyəni və idman işlərini daha da inkişaf etdirmək, tələbə-gənclərə vətənə, xalqa məhəbbət, dövlətçilik ideyalarına sədaqət hissləri aşılamaq, tələbə-gənclərin sağlamlığını möhkəmləndirmək, sağlam həyat tərzinin və istirahətinin aktivliyini təmin etmək, tələbə-gəclər arasında idmanın voleybol növünün inkişaf etdirilməsi, universitetin voleybol üzrə yığma komandasına yeni üzvlərin seçilməsindən ibarətdir. Oyunların nəticələri isə aşağıdakı kimi olub.

II turun nəticələri:

İqtisadiyyat və idarəetmə fakültəsinin TB23.1 komandası – eyniadlı İqtisadiyyat və idarəetmə fakültəsinin TB23.1 ilə görüşü 0:3 hesabı ilə başa çatıb.

Mühəndislik fakültəsinin EEM23 komandası – Təhsil fakültəsinin T23 komandası ilə görüşü 3:2 hesabı ilə başa çatıb.

Beləliklə, III və IV yerlər uğrunda Təhsil fakültəsinin T23 komandası – İqtisadiyyat və idarəetmə fakültəsinin TB23.1 komandası ilə – 04 noyabr 2024-cü il tarixdə

Final görüşü isə 05 noyabr 2024-cü il tarixdə Mühəndislik fakültəsinin EEM23 komandası -İqtisadiyyat və idarəetmə fakültəsinin Bİ22.2 komandası ilə görüşəcəklər.

Yarışın baş hakimi Fərman Məmmədov, oyunları isə məşqçi-müəllim Mehman Baxışov idarə edir.