Məsuliyyətsiz sürücülərə qarşı mübarizə tədbirləri gücləndirilir

Mayın 8-də  Mingəçevirdə  sərnişin daşıma sahəsində təhlükəsizliyi təmin etmək məqsədilə reyd keçirilib.  Reyd 1 saata yaxın davam edib. Mingəçevir şəhər DYP bölməsinin rəisi,  polis polkovnik-leytenantı  Bəlyar Bəşirli müxbirimizə bildirib ki, reyd ərzində nasaz vəziyyətdə 8 saylı marşurut  avtobusunu  idarə etdiyinə görə  2 nəfər, müvafiq sürücülük kateqoriyası olmadığına görə  1 nəfər, təhlükəsiz kəmərindən istifadə etmədiyinə görə 10 nəfər saxlanılıb:  “Onların barəsində inzibati protokollar tərtib edilib. Yeri gəlmişkən, ötən gün bu cür məsuliyyətsiz sürücülərin ucbatından 4 nəfər sərnişinin xəsarət alıb. Bu gün də şəhərdə belə sürücülər var.  Məqsədimiz onları üzə çıxarıb, məsuliyyətə cəlb etməkdir”.

Bölmə rəisinin ciddi xəbərdarlığından sonra sərnişindaşımada yarassız hesab edilən avtobuslar xəttdən kənarlaşdırılıb.