Dövlət İmtahan Mərkəzinin I və IV ixtisas qrupları üzrə iyunun 23-də keçirdiyi qəbul imtahanlarının nəticələrinə görə, Mingəçevirdəki N.Gəncəvi adına 8 saylı məktəbin 11-ci sinif şagirdi Aysel Rauf qızı Seyidəhmədova 400 bal maksimal nəticə göstərib. Təqdim olunan bütün test tapşırıqlarına düzgün cavab verən Aysel bundan əvvəl attestat imtahanlarında 266 bal yığmışdı. Ümumilikdə 666 bal toplayan gənc məktəbi qırmızı attestat və qırmızı şəadətnamə ilə bitirib və arzusu riyaziyyat müəllimi olmaqdır. O, uğurunun səbəbini daim öz üzərində çalışmağı ilə izah edib.
Şərhlər bağlıdır.